Tramp va BAA prezidenti G‘arbiy Osiyodagi vaziyatni muhokama qildi

Birlashgan Arab Amirliklari (BAA) prezidenti shayx Muhammad bin Zoid Ol Nahayon AQSh prezidenti Donald Tramp bilan telefon orqali suhbatlashdi.

Tasnim News xabar berishicha, suhbat davomida tomonlar BAA va AQSh o‘rtasidagi hamkorlikning turli yo‘nalishlari, shuningdek, umumiy manfaatlar asosida ikki tomonlama munosabatlarni yanada mustahkamlash masalalarini muhokama qilgan.

Shuningdek, tomonlar o‘zaro manfaatli qator masalalar yuzasidan fikr almashgan. Xususan, G‘arbiy Osiyodagi vaziyat va mintaqadagi mavjud muammolarni hal etish bo‘yicha amalga oshirilayotgan sa’y-harakatlar muhokama qilingan.