Tramp: "Ispaniyani NATOdan chiqarib yuborish kerak"

Qo‘shma Shtatlar Yevropadagi o‘z qo‘shinlari sonini kamaytirish niyatida emas, balki ularni u yerda qayta joylashtirishi mumkin.

Bu haqda prezident Donald Tramp finlyandiyalik hamkasbi Aleksandr Stubb bilan uchrashuvi avvalida ma’lum qildi.

"Yo‘q, lekin biz ularni biroz o‘zgartirishimiz mumkin", dedi Tramp Yevropadagi AQSh qo‘shinlarini qisqartirish imkoniyati haqidagi savolga javob berib. "Sizga ma’lumki, Yevropada ko‘plab qo‘shinlarimiz bor va biz ularni biroz ko‘chirishimiz mumkin".

U, shuningdek, Vashington harbiy xarajatlarni yetarli emas deb hisoblagan Ispaniyani NATOdan chiqarib yuborishni taklif qildi.

"Ularda mudofaa xarajatlarini oshirish uchun hech qanday sabab yo‘q. Lekin bu yaxshi. Ochig‘ini aytganda, Ispaniyani NATOdan chiqarib yuborish kerak", - dedi Amerika rahbari.