Toshkent shahri Shayxontohur tumanidagi Shofayzi ko‘chasi 25 martdan 1 mayga qadar yopildi, deb xabar beradi poytaxt hokimligi matbuot xizmati.
Qayd etilishicha, Daryobo‘yi Business City loyihasi doirasida Janggoh, Chuqurko‘prik va Zaxariq ochiq kollektorlarining yopilishi, shuningdek, avtomobil yo‘li, yashil hududlar, piyodalar va velosiped yo‘laklari barpo etilishi sababli Shofayzi ko‘chasi avtotransport harakati uchun yopilgan.
Shu bilan birga, Shofayzi ko‘chasining Ko‘kcha darvoza ko‘chasidan Rahmat Fayzi ko‘chasigacha bo‘lgan qismida ta’mirlash ishlari olib borilishi munosabati bilan 34-sonli «Chilonzor metrosi — Shifokorlar shaharchasi» avtobus yo‘nalishiga vaqtinchalik o‘zgartirish kiritiladi.
Mutasaddilar haydovchi va yo‘lovchilardan noqulaylik uchun uzr so‘raydi.
Rossiya aeroportida o‘zbekistonliklar qo‘lga olindi
Rasman! O‘zbekistonda Ramazon hayiti qachon nishonlanishi ma’lum bo‘ldi
Xonanda Feruza Karimova salkam 42 million so‘m jarimaga tortildi
