O‘zbekistonda xizmat ko‘rsatgan artist Mirzatilla Xolmedov O‘zbekiston davlat satira teatriga direktor etib tayinlandi. Bu haqda Madaniyat vazirligi xabar berdi. Qayd etilishicha, kecha, 8 iyul kuni Madaniyat vazirning birinchi o‘rinbosari Avazxon Tojixonov O‘zbekiston davlat satira teatrida tashkiliy va ijodiy masalalar yuzasidan yig‘ilish o‘tkazgan. Yig‘ilishda teatrda sahnalashtirilgan spektakllarning saviyasi, tomoshabinlarni jalb etish, mahalliy va xalqaro gastrollarni tashkil etish kabi masalalarga alohida to‘xtalib o‘tgan. Shuningdek, yig‘ilish davomida O‘zbekiston Respublikasi Madaniyat vazirining tegishli buyrug‘i bilan O‘zbekiston davlat satira teatri direktori lavozimiga tayinlangan O‘zbekistonda xizmat ko‘rsatgan artist Mirzatilla Nigmatullayevich Xolmedovni jamoaga tanishtirgan. Ma’lumot o‘rnida, Mirzatilla Xolmedov tayinlovga qadar “O‘zbekkonsert” davlat muassasasida so‘z ustasi bo‘lib faoliyat olib borayotgan edi.
Kecha O‘zbekistonda eng issiq harorat rekordi yangilandi!
Kecha Toshkentda rekord darajadagi issiq havo qayd etildi
Dunyoda eng ko‘p millionerlar yashaydigan davlatlar e’lon qilindi
