Sheremetevlar evarasi Rossiyaga qaytishga qaror qildi

Graf Pyer Sheremetev Rossiyaga qaytishga qaror qildi, deb xabar berdi Rossiyaning Fransiyadagi elchixonasi.

U Rossiya prezidentiga maktub yo‘llagan. Hujjat allaqachon diplomatik kanallar orqali Moskvaga yuborilgan.

Sheremetevlar oilasi Oktyabr inqilobidan so‘ng Fransiyaga ko‘chib ketgan edi. O‘tgan davr mobaynida ular Rossiya-Fransiya madaniy hamkorligini rivojlantirish va mustahkamlashga katta hissa qo‘shgan. Sheremetevlar ko‘p yillar davomida Parijdagi Sergey Raxmaninov nomidagi konservatoriyani ta’minlab kelgan.