Toshkent viloyati Nurafshon shahrida jamoat transporti haydovchisi giyohvandlik vositasini bevosita avtobus ichida sotayotganida qo‘lga olindi. Bu haqda viloyat Ichki ishlar bosh boshqarmasi xabar berdi.
Qayd etilishicha, 1985-yilda tug‘ilgan L.D. jamoat transporti haydovchisi bo‘lib ishlagan. U Bobur ko‘chasida boshqaruvidagi xizmat avtobusi ichida shartli xaridorga ikki dona polietilen o‘ramdagi gashish giyohvandlik vositasini 400 ming so‘m evaziga sotayotgan vaqtida daliliy ashyo bilan qo‘lga olingan.
Tezkor tadbir davomida gumonlanuvchining yonidan hamda boshqaruvidagi avtobusdan yana to‘qqiz dona o‘ram, jami 11 o‘ramda 5 gramm gashish giyohvandlik vositasini sotish maqsadida saqlab kelgani aniqlangan. Mazkur moddalar prosessual tartibda rasmiylashtirib olingan.
Holat yuzasidan Jinoyat kodeksining 273-moddasi (giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, olish, saqlash va boshqa harakatlar qilish, shuningdek ularni qonunga xilof ravishda o‘tkazish) 5-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
BMTda uyat va bema’nilik teatri
Eron AQShga yadroviy qurol dasturidan voz kechishni hujjatlashtirishni taklif qildi
AQSh Isroilni Eronga hujum qilmaslikka chaqirdi
