Isroil Kiyevning "o‘g‘irlangan" doni ortilgan kemani qabul qilishdan bosh tortdi

Ukraina TIV rahbari Andrey Sibiga Kiyev tomonidan Rossiya bosib olgan hududlardan o‘g‘irlangan deb da’vo qilinayotgan don ortilgan kema Isroilda yuk tushirmasligini ma’lum qildi. Vazir buni "ijobiy o‘zgarish" deb atab, Isroil bilan bo‘lgan diplomatik keskinlikdan so‘ng shunday qarorga kelinganini ta’kidladi.

Sibiganing so‘zlariga ko‘ra, bu voqea boshqa davlatlar, kema egalari va sug‘urta kompaniyalari uchun Ukrainaning o‘g‘irlangan mahsulotlarini sotib olmaslik borasida jiddiy ogohlantirish bo‘lib xizmat qiladi. Avvalroq Ukraina rasmiy Tel-Avivdan ushbu kemani qo‘lga olishni so‘ragan edi.