O‘zbekiston milliy terma jamoasi va Manchester City klubi himoyachisi Abduqodir Husanov aprel oyida O‘zbekistonga tashrif buyurdi. U jahon chempionati saralash bosqichi doirasidagi o‘yinlarda ishtirok etish maqsadida yurtimizga kelgan edi.
Ma’lum bo‘lishicha, futbolchi ushbu tashrif davomida Imarat Development tomonidan amalga oshirilayotgan Imarat Hills loyihasidan o‘z ota-onasi uchun qiymati 330 000 AQSh dollariga teng bo‘lgan hashamatli villani xarid qilgan. Bu haqda kompaniya asoschisi Marat Xayrullayevich o‘zining shaxsiy Instagram sahifasida ochiqladi.
Aytilishicha, futbolchi shaxsan sotuv ofisiga tashrif buyurib, loyiha bilan yaqindan tanishgan va tanlovni aynan Imarat Hills foydasiga qilgan. Abduqodir Husanov bugungi kunda O‘zbekiston futbolida eng yorqin yulduzlardan biri hisoblanadi.
Uning professional faoliyati so‘nggi yillarda keskin o‘sishni namoyon qildi. Jumladan, u Yevropa futbolida o‘z o‘rniga ega bo‘lib, Angliyaning grand klublaridan biri — Manchester City safida to‘p surmoqda.
Shuningdek, manbalarga ko‘ra, Husanov 2026 yilda AQShda bo‘lib o‘tadigan jahon chempionatida O‘zbekiston milliy terma jamoasi tarkibida ishtirok etishi kutilmoqda. Uning yuqori sport formasi va barqaror o‘yini tufayli u jamoaning asosiy tayanch futbolchilaridan biri sifatida ko‘rilmoqda.
Qayd etish joizki, futbolchi yaqinda Manchester City klubida fevral–mart oylarining eng yaxshi futbolchisi sifatida e’tirof etilgan.
O‘zbekistonlik ikki futbolchi Portugaliya klubiga yo‘l olmoqda
Koreyada vafot etgan o‘zbekistonlik qiz haqida rasmiy bayonot berildi
Eron Isroil bilan aloqa qilganligi uchun yuqori lavozimli amaldorni qatl qildi
