Tojikiston muftiysi botoks va tatuirovkani harom deb atadi

Abdulqodirzoda so‘nggi yillarda burun, quloq yoki yuzning boshqa qismlari shaklini to‘g‘rilash kabi tashqi ko‘rinishdagi o‘zgarishlar tobora ommalashib borayotganini, biroq islomning diniy qarashlari bunday aralashuvlarni cheklashni nazarda tutishini ta’kidladi.

“Tana Alloh tomonidan berilgan omonat — muqaddas ne’matdir, bu har bir kishi u bilan xohlaganini qilishi mumkinligini anglatmaydi. Tibbiy zarurat bo‘lmasa, quloq yoki burun shaklini o‘zgartirish mumkin emas. Bu tanaga o‘zi zarar yetkazgan va boshqa birov zarar yetkazgan ham javob beradi”, dedi muftiy Saidmukarram Abdulqodirzoda.

Muftiy aholi, ayniqsa, yoshlarni an’anaviy va diniy qadriyatlarga amal qilishga, o‘z tanasini hurmat qilishga, diniy me’yorlarga zid bo‘lgan urf-odatlar ta’siriga berilmaslikka chaqirdi.