Germaniyaning Moskvadagi elchixonasi Rossiya poytaxtida ehtimoliy terrorchilik hujumi yuzasidan o‘z fuqarolariga ogohlantirish yubordi. Bu haqda Spiegel nashri xabar berdi.
Diplomatik vakolatxona "Sarisino" muzey-qo‘riqxonasida terakt sodir etilishi xavfi borligini bildirib, Germaniya fuqarolarini odamlar gavjum joylardan uzoqroq bo‘lishga chaqirgan.
Mazkur ogohlantirish AQSh elchixonasi xuddi shu hududda ko‘plab qurbonlarga olib kelishi mumkin bo‘lgan hujum ehtimoli haqida ma’lumot tarqatganidan bir kun keyin e’lon qilindi.
Rossiya Federal xavfsizlik xizmati ham amerikalik hamkasblaridan ehtimoliy terakt bo‘yicha ma’lumot olganini tasdiqlagan.
Xavfsizlik choralari tufayli "Sarisino" muzey-qo‘riqxonasi vaqtincha yopilib, tashrif buyuruvchilar evakuasiya qilingan.
Biroq 1 noyabr kuni bog‘ o‘z faoliyatini tikladi. Ma’muriyat muzey-qo‘riqxonaning barcha ob’ektlari yana tashrif buyuruvchilar uchun ochiq ekanini ma’lum qildi.
Isroilda parlament saylovlari yakunlandi: Netanyaxu uchun kutilmagan natija
17 yoshli qiz o‘ldirilishi 52 yildan keyin fosh etildi: uning ota-onasi haqiqatni bilmay vafot etdi
Estoniyada asfalt tugadi
