Sergeli tumanidagi Buyuk avlod shoh ko‘chasida ofisi joylashgan «Imarat Development» mas’uliyati cheklangan jamiyat (MCHJ) faoliyati yuzasidan bir necha fuqaro tomonidan ishonchsizlik bildirilib, jamiyat rahbariyatiga nisbatan qonuniy chora ko‘rish so‘ralgan. Mazkur murojaatlar yuzasidan Toshkent shahar IIBB tomonidan o‘tkazilgan tekshiruv davomida quyidagilar aniqlangan.
«Imarat Development» MCHJ tomonidan qurilishi rejalashtirilgan ko‘p qavatli turar joy binolari Toshkent viloyatining Quyichirchiq tumani hududida joylashgan. Ushbu turar joylar Toshkent viloyati hududida qurilayotgani sababli ayrim fuqarolar norozilik bildirib, xonadonlar uchun amalga oshirgan to‘lovlarini qaytarishni so‘rab, MCHJ rahbariyatiga murojaat qilishgan, biroq to‘lovlar qaytarilmagan.
Mazkur holat yuzasidan Toshkent shahar IIBB huzuridagi Tergov boshqarmasi tomonidan O‘zbekiston Respublikasi Jinoyat kodeksining 168-moddasi («Firibgarlik»), 192 prim.11-moddasi («Nodavlat tijorat tashkilotida yoki boshqa nodavlat tashkilotida mansabdor shaxslar tomonidan o‘z vakolatlarini suiiste’mol qilish») alomatlari bilan jinoyat ishi qo‘zg‘atilgan.
Tergov harakatlari Toshkent shahar IIBB boshlig‘i hamda prokuratura tomonidan nazoratga olingan. Tergov natijalariga ko‘ra, qonuniy qaror qabul qilinishi ta’minlanadi.
17 yoshli qiz o‘ldirilishi 52 yildan keyin fosh etildi: uning ota-onasi haqiqatni bilmay vafot etdi
1-noyabrdan issiq suv va issiqlik energiyasi narxlari 30% ga oshadi
Rossiya Boltiqbo‘yi davlatlariga qarshi yadroviy qurol qo‘llashi mumkin, agarda...
