Strimer IShowSpeed Yamalni finalda Messini mag‘lub etishga chaqirdi: «Bizni, Ronaldu muxlislarini qutqar!»

IShowSpeed taxallusi bilan mashhur bo‘lgan taniqli strimer Darren Jeyson Uotkins JCH-2026 finalida Argentinaga qarshi maydonga tushadigan Ispaniya terma jamoasi vingeri Lamin Yamalga murojaat qildi.

«Fikringni jamla! Iltimos! Birodar! O‘yin qilib o‘tirma, shunchaki bor kuchingni ishga sol va g‘alaba qozon! Argentinani mag‘lub et. Meni qutqar! Meni halokatdan qutqar! Bunga yana bir yil chiday olmayman... Agar Messi Jahon chempionatida g‘olib chiqsa, men Ronaldu muxlisi sifatida aytadigan hech narsam qolmaydi. Bizni, Ronaldu muxlislarini qutqar!» — deya iltimos qildi strimer.