Toshkentda O‘zbekiston va AQSh o‘rtasidagi savdo-iqtisodiy hamkorlikni yanada kengaytirish masalalari muhokama qilindi. Bu haqda prezident administrasiyasi rahbari Saida Mirziyoyeva AQSh savdo vaziri o‘rinbosari Devid Fogel bilan uchrashuv yakunlari bo‘yicha ma’lum qildi.
Uchrashuv davomida tomonlar O‘zbekiston va AQSh o‘rtasidagi hamkorlikning dolzarb masalalari, xususan, savdo, investisiyalar va sheriklikning yangi yo‘nalishlari xususida fikr almashdi.
Saida Mirziyoyevaning ta’kidlashicha, ayni paytda Amerika biznes doiralari O‘zbekistonda amalga oshirilayotgan investisiyaviy va infratuzilmaviy loyihalarga tobora katta qiziqish bildirmoqda.
«Ushbu e’tibor yaqin istiqbolda aniq kelishuvlar, yangi ish o‘rinlari va iqtisodiyot uchun keng imkoniyatlarga aylanishi juda muhim», — dedi u.
Suhbat chog‘ida ikki mamlakat tadbirkorlari o‘rtasida o‘zaro manfaatli muloqot va amaliy hamkorlikni rivojlantirishga xizmat qilib kelayotgan Amerika–O‘zbekiston ishbilarmonlik va investisiya kengashi faoliyati ham alohida muhokama qilindi.
Tomonlar iqtisodiy sheriklikni yanada mustahkamlash va biznes aloqalarini kengaytirishdan manfaatdor ekanini qayd etdi.
Million rossiyalik mamlakatni tark etdi
O‘zbekiston – Niderlandiya o‘rtoqlik o‘yini Nyu-Yorkda bo‘lib o‘tadi
47°C issiqlikda tong ham, tun ham yo‘q: Hindistonning eng issiq hududida bir kun
