Rossiyalik xakerlar Belgiya hukumati veb-saytlariga hujum qilishdi

Bir guruh xakerlar Belgiya hukumatining bir qator veb-saytlariga kiberhujum uyushtirgan.

Bu haqda RTBF telekanali xabar bermoqda. Hujum oqibatida fuqarolarga rasmiy hujjatlar bilan tanishish imkonini beruvchi MyGov.be hukumat portali zarar ko‘rdi. Hujum Valloni parlamentining veb-saytiga ham ta’sir qildi.

Belgiya kiberxavfsizlik markazi ma’lumotlariga ko‘ra, bu DDoS-hujumlari bo‘lib, server nosozliklarini keltirib chiqargan. Shu bilan birga, markaz ushbu hujumlar ma’lumotlarning sizib chiqishi xavfini tug‘dirmasligiga ishontirdi.

Rossiyaning NoName xakerlar guruhi voqea uchun javobgarlikni o‘z zimmasiga oldi.