Rossiya Armanistonga tahdid qilmoqda: “ikkita stul” bo‘lmaydi

Rossiya Yevropa Ittifoqiga qo‘shilgan taqdirda Armaniston bilan iqtisodiy munosabatlarning butun spektrini qayta ko‘rib chiqish niyatida, dedi Rossiya bosh vaziri o‘rinbosari Aleksey Overchuk. Bu bayonot Armaniston parlamenti Yevropa Ittifoqiga kirish jarayonini boshlash to‘g‘risidagi qonun loyihasini ikkinchi va yakuniy o‘qishda qabul qilganidan so‘ng yangradi.

"Biz tushunamizki, agar Armaniston Yevropaga qarab ketayotgan bo‘lsa, shunga mos ravishda bu mamlakat bilan iqtisodiy munosabatlarning butun majmuasini qayta ko‘rib chiqish zarur bo‘ladi. Va, afsuski, bu Armaniston aholisining turmush darajasida o‘z aksini topadi, bu, albatta, bizga yoqmaydi", - dedi Overchuk.

Bosh vazir o‘rinbosarining ta’kidlashicha, Armaniston YEOII va YEI o‘rtasida yakuniy tanlovni amalga oshirishi kerak, chunki “bir vaqtning o‘zida ikkita stulda o‘tirish mumkin bo‘lmaydi”. Uning ta’kidlashicha, Rossiyaning Armaniston bilan tovar ayirboshlash hajmi 2024-yilda 12,7 milliard dollargacha o‘sib, 50 foizdan ortiq o‘sgan, Yevropa Ittifoqi bilan savdo aylanmasi esa atigi 2 milliard dollardan sal ko‘proqni tashkil etgan va 12 foizga qisqargan.

“Bu Yevroosiyo [Iqtisodiy] ittifoqi bilan savdo qilish qanchalik foydali, Yevropa bilan savdo qilish qanchalik foydali ekanidan dalolat beradi. “Albatta, armanlar tanlashi kerak”, - deydi Rossiya rasmiysi.

Armaniston parlamentining 64 nafar deputati Yevropa Ittifoqiga kirish jarayoni boshlanishi haqidagi qonun loyihasini yoqlab, atigi 7 nafari qarshi ovoz berdi.

Avvalroq Rossiya prezidentining matbuot kotibi Dmitriy Peskov ham bir vaqtning o‘zida ikkita integrasiya birlashmalariga a’zo bo‘lish mumkin emasligini ma’lum qilgandi. "Bir vaqtning o‘zida ikki xil tashkilotga a’zo bo‘lish mumkin emas, chunki YEOII o‘z bojxona maydoniga, tovarlar, xizmatlar, odamlar, kapitalning erkin harakatlanish zonasiga ega va u erda [EIda] boshqacha, turli normalar mavjud", dedi u.

Ayni paytda Armaniston YEOIIda faol ishlashda davom etmoqda va Overchukning so‘zlariga ko‘ra, “Evrosiyo integrasiyasiga o‘zining ijobiy hissasini qo‘shmoqda”.