Ronaldu «Forsaj» filmida rol ijro etadi

Amerikalik mashhur aktyor Vin Dizel portugaliyalik yulduz hujumchi Krishtianu Ronaldu "Forsaj" franshizasining yangi filmida suratga tushishini ma’lum qildi.

"Ko‘pchilikka Krishtianuning "Forsaj"da bo‘lishi qiziq. Aytmoqchimanki, bu sodir bo‘ladi. Ronalduning o‘z roli bo‘ladi," - deydi aktyor ijtimoiy tarmoqlardagi sahifasida.

40 yoshli Krishtianu Saudiya Arabistonining "An-Nasr" klubi futbolchisi hisoblanadi. 2025/2026 yilgi mavsumda portugaliyalik to‘purar o‘nta o‘yinda qatnashib, o‘nta gol va bitta golli uzatmani o‘z hisobiga yozdirib qo‘ydi. Hujumchining saudiyaliklar bilan mehnat shartnomasi 2027 yilning yozida yakuniga yetadi.