«Real» yoki Fransiya terma jamoasi: Zidan tanlov qildi

Italiyalik taniqli insayder Fabrisio Romano xabariga ko‘ra, Zinedin Zidan "Real" boshqaruviga tayinlanmaydi. Fransuz mutaxassisi o‘z vatani terma jamoasini boshqarish bo‘yicha aniq rejaga ega.

Qayd etilishicha, ayni damda Zidan Fransiya futbol federasiyasi bilan dastlabki shartnomaga ega emas. Darvoqe, yulduz murabbiy o‘zining aniq rejasiga amal qilishga va o‘z mamlakati terma jamoasini qabul qilishga bel bog‘lagan.

Xabaringiz bor, 2026 yilgi jahon chempionatidan keyin Fransiya terma jamoasi bosh murabbiyi lavozimini Didye Desham tark etadi. Bu haqda ancha oldin rasman e’lon qilingan edi.