Joriy yilning 9 noyabridan boshlab Qozog‘iston va O‘zbekiston chegarasidagi elektron navbat tizimida joy bron qilish uchun kafolat puli to‘lash majburiy bo‘ladi.
Bu haqda Turkiston viloyati Davlat daromadlari departamenti ma’lum qilgan.
Kafolat puli «Qozog‘iston va O‘zbekiston o‘rtasidagi» «Qozig‘urt», «B. Qonisboyev» va «Atameken» chegara o‘tkazish punktlarida 20 oylik hisob-kitob ko‘rsatkichi (OHKK), ya’ni 86 500 tenge (190 dollar) miqdorida belgilangan.
«Ushbu chora chegara o‘tkazish punktlarida sun’iy navbatlar yuzaga kelishining oldini olish va tashuvchilarning mas’uliyatini oshirishga qaratilgan», — deya ma’lum qilgan departament.
Elektron navbatni bron qilish uchun tashuvchining maxsus elektron hisobida 20 OHKK miqdorida mablag‘ bo‘lishi kerak.
Agar transport vositasi chegara o‘tkazish punktiga belgilangan vaqtda yetib kelsa, kafolat puli tashuvchiga avtomatik tarzda to‘liq qaytariladi.
Biroq tashuvchi 90 kalendar kun davomida ketma-ket ikki marta belgilangan vaqtda chegara o‘tkazish punktiga kelmasa, kafolat puli qaytarilmaydi va davlat byudjeti daromadiga o‘tkaziladi.
Bu haqda Turkiston viloyati Davlat daromadlari departamenti ma’lum qilgan.
Sun’iy intellekt dunyodagi eng qimmat surat muallifligini shubha ostiga qo‘ydi
O‘zbekiston Samarqand haqidagi bayonotlar sabab Eronga norozilik notasi topshirdi
Dunyodagi eng yirik yo‘lovchi samolyoti Moskvaga qo‘na olmayapti — OAV
