Rossiya, AQSh va Ukraina o‘rtasidagi tinchlik muzokaralari noyabr oyining ikkinchi o‘n kunligida qayta boshlanishi mumkin. Moskva uch tomonlama muloqotni davom ettirishga tayyorligini ma’lum qildi.
Rossiya prezidenti yordamchisi Yuriy Ushakovning bildirishicha, Vladimir Putin bu haqda AQSh prezidentining maxsus vakili Stiv Uitkoff bilan uchrashuvda ma’lum qilgan.
Muzokaralarning asosiy mavzusi Ukrainadagi urush yakunlanganidan keyin Rossiya va Ukraina uchun xavfsizlik tizimini shakllantirish bo‘ladi.
Ushakovning so‘zlariga ko‘ra, Uitkoff Moskva tomonining bu qarorini AQSh prezidenti Donald Tramp mamnuniyat bilan qabul qilishini ta’kidlagan.
Shuningdek, Kreml vakili avvalgi uch tomonlama muzokaralarning to‘xtab qolishida Kiyevni aybladi. Biroq bu borada Ukraina tomonining pozisiyasi alohida masala bo‘lib qolmoqda.
Hozircha yangi uchrashuvning aniq sanasi rasman e’lon qilinmagan.
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
40 mln odam Janubiy Osiyodan ko‘chishga majbur bo‘lishi mumkin
Biz G‘azo sektori va Livan qishloqlarini vayron qilyapmiz, butun dunyo esa bizga qoyil qolmoqda
