Portugaliya milliy terma jamoasini 71 yoshli murabbiy boshqarishi mumkin

71 yoshli mutaxassis Jorje Jezush Portugaliya milliy terma jamoasining yangi bosh murabbiyiga aylanishi kutilmoqda.

A Bola nashri xabariga ko‘ra, u Portugaliya futbol federasiyasining asosiy nomzodi hisoblanadi. Jezush terma jamoani Yevro–2028 hamda Portugaliyada bo‘lib o‘tadigan 2030-yilgi jahon chempionatiga tayyorlashi rejalashtirilgan.

Qayd etilishicha, murabbiy avvalroq Krishtianu Ronaldu bilan «An-Nasr»da birga ishlagan. 2025/26 yilgi mavsumda jamoa mamlakat chempioniga aylangan, shundan so‘ng Jezush klubni tark etgan. U o‘shanda jamoani Ronalduning «An-Nasr» safidagi ilk sovrinini qo‘lga kiritishiga yordam berish uchun qabul qilganini aytgandi.

Eslatib o‘tamiz, JCH–2026 1/8 finalida Portugaliya Ispaniya milliy terma jamoasiga 0:1 hisobida mag‘lub bo‘lgach, Roberto Martines uch yillik faoliyatidan so‘ng lavozimini tark etishini e’lon qilgan edi.