O‘zbekiston milliy terma jamoasi murabbiylar shtabi a’zosi Paolo Kannavaro faoliyatini Italiyada davom ettirish imkoniyatidan foydalanmadi. U akasi Fabio Kannavaro bilan hamkorlikni saqlab qolishni ma’qul ko‘rgan.
TuttoMercatoWeb ma’lumotiga ko‘ra, Italiyaning «Julyano» klubi Raffaele Di Napoli iste’fosidan keyin 45 yoshli mutaxassisni bosh murabbiylikka taklif qilgan.
Muzokaralar davomida tomonlar 2027 yil iyunigacha mo‘ljallangan, keyinchalik uzaytirilishi mumkin bo‘lgan shartnoma yuzasidan og‘zaki kelishuvga ham erishgan. Biroq Kannavaro yakunda taklifni qabul qilmagan.
Bunga uning O‘zbekiston terma jamoasi bilan amaldagi shartnomasi ham sabab bo‘lgan. Italiya klubini boshqarish uchun murabbiy milliy jamoadagi majburiyatlaridan ozod bo‘lishi talab etilardi.
Xabar qilinishicha, Paolo Kannavaro kamida 2027 yilgi Osiyo kubogiga qadar Fabio Kannavaroning murabbiylar shtabida faoliyatini davom ettirishni rejalashtirmoqda.
Bahodir Jalolov jangdan keyin nega Abduqodir Husanov va Erling Xoland oldiga bordi?
Shohjahon Ergashevning Toshkentdagi jangi janjal bilan nihoyasiga yetdi
«Oltin to‘p» g‘olibi nomi marosimdan oldin oshkor bo‘ldimi?
