Otaning ismini bolaga familiya qilib berish mumkin bo‘ladi

O‘zbekistonda ota-onalarga farzandiga otasining ismini familiya sifatida berish imkoniyati yaratiladi.

Tegishli qonun 8 avgust kuni Senatda ma’qullandi.

Amalda bolaning familiyasi ota yoki onaning familiyasi asosida belgilanadi. Milliy an’analarga ko‘ra, boboning ismini familiya sifatida berish ham mumkin. Yangi tartib kuchga kirsa, otaning ismi ham bolaga familiya qilib berilishi mumkin.

Buning uchun Oila kodeksining 69-moddasiga tegishli o‘zgartish kiritiladi.

📄 Qonun Prezident imzolashi uchun yuboriladi.