Qarshining "Nasaf" klubi bugun, 4 noyabr kuni OFK Chempionlar ligasi-2 musobaqasida navbatdagi uchrashuvini o‘tkazadi. Ro‘ziqul Berdiyev shogirdlari safarda Kuvaytning "Al-Kuvayt" jamoasiga qarshi maydonga tushadi.
Qarshiliklar uchun mazkur bahs alohida ahamiyatga ega. Jamoa guruh bosqichining uchta turidan keyin bor-yo‘g‘i bir ochko to‘plagan va hali g‘alaba qozonmagan.
"Nasaf" dastlab "Al-Xolidiya" bilan nursiz durang o‘ynadi. Keyingi uchrashuvlarda esa "Al-Vahda"ga 1:2, "Al-Kuvayt"ga 0:1 hisobida mag‘lub bo‘ldi.
Raqib jamoa esa uchta o‘yinda 6 ochko jamg‘arib, A guruhida ikkinchi o‘rinni egallab turibdi.
Bugungi bahsda "Nasaf" nafaqat birinchi g‘alabasini qo‘lga kiritish, balki guruhdagi imkoniyatlarini yaxshilash uchun ham harakat qiladi.
OFK Chempionlar ligasi-2. A guruhi. 4-tur
4 noyabr, chorshanba
21:00. "Al-Kuvayt" — "Nasaf"
Uchrashuv vaqti Toshkent vaqti bilan ko‘rsatilgan.
«An-Nasr» uch nafar yulduzisiz O‘zbekistonga tashrif buyurdi
Turkiyada o‘zbek futbolchilari shou ko‘rsatdi: Shomurodov va Fayzullayevdan gollar
«2010 yilda mendan «Oltin to‘p»ni o‘g‘irlashgan»
