Portugaliyalik hujumchi Krishtianu Ronaldu "Manchester Yunayted"dagi sobiq bosh murabbiyi Erik ten Xagning navbatdagi tanqidiga munosabat bildirdi.
Niderlandiyalik mutaxassis avvalroq Ronaldu "Yuventus"dan ketganidan so‘ng yuqori saviyadagi futbolchi maqomiga mos kelmay qolganini ta’kidlagandi.
Jurnalist Pirs Morgan Football Uncensored dasturining yangi sonida portugaliyalik yulduzdan ten Xagning so‘zlariga javob berishni so‘raganini ma’lum qildi.
"Menimcha, u haqda gapirish uchun so‘z sarflashning hojati yo‘q", — deya Ronalduning javobini keltirdi Morgan.
Eslatib o‘tamiz, Krishtianu Ronaldu 2023 yildan buyon Saudiya Arabistonining "An-Nasr" klubida to‘p surmoqda. 41 yoshli hujumchi joriy mavsum 12 ta uchrashuvda 8 ta gol urdi va 1 ta golli uzatma amalga oshirdi.
«An-Nasr» uch nafar yulduzisiz O‘zbekistonga tashrif buyurdi
Turkiyada o‘zbek futbolchilari shou ko‘rsatdi: Shomurodov va Fayzullayevdan gollar
«2010 yilda mendan «Oltin to‘p»ni o‘g‘irlashgan»
