Usman Nurmagomedov o‘z vatandoshi Arman Sarukyaning PFL yengil vazn toifasi chempioni UFC`ga o‘tsa, faoliyatidagi ilk mag‘lubiyatini qabul qilib olishi haqidagi so‘zlariga izoh berdi.
"Arman Gamrotga yutqazdi, Islamga yutqazdi. O‘tiribdi, kutibdi, yilda bir marta jang qiladi va o‘zini dunyodagi eng yaxshi jangchi deb ataydi. U ikkita jang o‘tkazgunicha, men to‘rt marta chempionlik kamarini himoya qildim.
Agar UFC`da jang qilmasang, darajang past degan stereotipga qo‘shilmayman. UFC`dagi kuchli o‘ntalikda (Top-10) o‘tirgan yigitlarga qarang. Ular shunchaki o‘zaro jang qilib, o‘z o‘rinlarini saqlab qolishmoqda.
Ha, ko‘pchilik UFC`ga kelib yutqazgan. Bunga misol qilib uning o‘zini olish mumkin. Keldi – yutqazdi. Ko‘pchilik shunday mag‘lub bo‘lgan. Bu menga tegishlimi yoki yo‘q – agar UFC`ga o‘tsam, buni ko‘rib olamiz", – dedi rossiyalik jangchi "Sport24" kanaliga bergan intervyusida.
Shuningdek, erkin agent maqomida bo‘lgan Nurmagomedov hozirda menejeri PFL ligasi bilan muzokaralar olib borayotganini ma’lum qildi. PFL ligasi u bilan yangi shartnoma imzolash uchun 90 kunlik eksklyuziv huquqqa ega.
Arman Sarukyan ayni damda braziliyalik Maurisio Ruffi bilan bo‘ladigan jangiga tayyorgarlik ko‘rmoqda. Ular 19 sentyabr kuni Los-Anjelesda bo‘lib o‘tadigan UFC 331 turnirida o‘zaro to‘qnash keladi.
O‘zbekistonlik jahon chempioni AQShga ko‘chib o‘tdi
O‘zbekiston qozog‘istonlik qizga pul o‘tkazib berdi
"Real" Chempionlar ligasidagi kimlarga qarshi o‘ynashi ma’lum
