Isroil Bosh vaziri Benyamin Netanyaxu Erondagi amaldagi rejimning «oxiri yaqin» ekanini ta’kidlab, Isroil uni ag‘darish maqsadini oxiriga yetkazishga qat’iy qaror qilganini bildirdi.
Netanyaxu 6 sentyabr kuni hukumat yig‘ilishida, Rosh Hashana bayrami arafasida qilgan murojaatida Erondagi vaziyat haqida gapirdi. Uning aytishicha, Isroil va AQShning Eronga qarshi harbiy harakatlari natijasida «katta yutuqlarga» erishilgan, biroq hali bajarilishi kerak bo‘lgan vazifalar bor.
«Erishilgan natijalar ulkan, ammo hali yakunlashimiz kerak bo‘lgan ishlar bor. Avvalo, rejimning ag‘darilishi. Erondagi bu rejimning oxiri yaqin. U ojiz, o‘z jonini saqlab qolish uchun kurashmoqda va dovdirab qolgan», — dedi Netanyaxu.
Isroil Bosh vaziri mamlakat hali oldida turgan yana bir muhim vazifani ham bajarishga qat’iy qaror qilganini aytdi.
«Bu Yaqin Sharq qiyofasini va xalqimiz tarixini butunlay o‘zgartiradi. Biz buni amalga oshirishga qat’iy qaror qilganmiz va bunga qodir ekanimizni bilamiz», — deya ta’kidladi u.
Netanyaxu, shuningdek, Eron Isroilga hujum qilishga qaror qilsa, «tasavvur qilib bo‘lmaydigan zarba»ga duch kelishini bildirdi.
Uning bayonotlari AQSh va Eron o‘rtasidagi harbiy keskinlik yana kuchaygan, Hurmuz bo‘g‘ozi atrofida ham vaziyat taranglashgan bir paytga to‘g‘ri kelmoqda.
Shohjahon Ergashevning Toshkentdagi jangi janjal bilan nihoyasiga yetdi
40 mln odam Janubiy Osiyodan ko‘chishga majbur bo‘lishi mumkin
Biz G‘azo sektori va Livan qishloqlarini vayron qilyapmiz, butun dunyo esa bizga qoyil qolmoqda
