Mbappe "Manchester Siti"ga qarshi o‘ynamoqchi, ammo jiddiy muammo bor

Madridning "Real" klubi Chempionlar ligasi doirasida "Manchester Siti"ga qarshi o‘yinda Kilian Mbappesiz qolishi mumkin.

Yulduz fransuz muhim bahsda ishtirok etishni istaydi, ammo chap tizzasida kuchli og‘riqni his qilmoqda. 26 yoshli futbolchining "shaharliklar"ga qarshi o‘yinda maydonga tushishi katta so‘roq ostida turibdi, deya xabar bermoqda jurnalist Migel Anxel Dias. Endrik hujumchini asosiy tarkibda almashtirishi mumkin: Xabi Alonso seshanba kungi mashg‘ulotlardan so‘ng yosh braziliyalik bilan batafsil individual suhbat o‘tkazdi.

"Real"ning "Manchester Siti"ga qarshi o‘yini Toshkent vaqti bilan 01:00da boshlanadi.