"Manchester Siti" rekord narxga yangi himoyachi sotib olmoqchi

Angliyaning "Manchester Siti" klubi shu yozda rekord darajadagi transferni amalga oshirishi mumkin.

TEAMtalk nashri bergan ma’lumotlarga ko‘ra, "Siti" "Nyukasl"ning o‘ng qanot himoyachisi Tino Livramentoni o‘z safiga qo‘shib olish imkoniyatini ko‘rib chiqmoqda. "Shaharliklar" ushbu pozisiyadagi o‘yinchi uchun amaldagi jahon rekordidan yuqoriroq summa taklif qilish niyatidalar.

Hozirgi vaqtda qanot himoyachisi uchun transfer rekordi Fransiyaning "PSJ" klubiga tegishli bo‘lib, ular 2021 yilda Ashraf Hakimiy uchun taxminan 60 million funt sterling to‘lashgan. Bu ko‘rsatkich "Siti"ning o‘ziga tegishli bo‘lgan Britaniya rekordidan bir oz yuqori — klub 2021 yilda Joau Kanselu uchun "Yuventus"ga 57 million funt to‘lagan edi.

Manbalarning yozishicha, Livramento ketgan taqdirda "Nyukasl" uning uchun 70 million funt sterling talab qiladi, biroq summadan qat’i nazar, bu deyarli aniq jahon rekordiga aylanadi.

"Manchester Siti" allaqachon markaziy himoyachi (Yoshko Gvardiol) uchun to‘langan eng yirik transfer summasi bo‘yicha jahon rekordi bilan maqtana oladi, endi esa ingliz grandi xuddi shunday muvaffaqiyatni qanot himoyachisi transferida ham takrorlashga tayyor.