"Manchester Siti"ning O‘zbekistondagi hamkori ma’lum bo‘ldi

Angliyaning "Manchester Siti" klubi O‘zbekistonning "Artel" kompaniyasi bilan hamkorlik qiladi.

Tomonlar uzoq yillik, bir necha yo‘nalishlarda hamkorlik qilish bo‘yicha shartnoma imzolagan. Kelishuvga ko‘ra, “Artel” brendi “Manchester Siti”ning mashg‘ulotlar libosida joy olishi mumkin. Shuningdek, “Manchester Siti” O‘zbekistonda futbol akademiyasi ochadi va uni aynan “Artel” bilan hamkorlikda tashkil qiladi. Qolgan yangiliklarni rasmiy e’lon orqali tez orada xabar qilinadi.

Ma’lumot uchun, ayni paytda "shaharliklar" safida hamyurtimiz Abduqodir Husanov to‘p tepmoqda.