La Liga. "Real" "Rasing"ni yirik hisobda mag‘lub etdi

Madridning "Real" klubi Ispaniya La Ligasining 11-turida "Rasing" mehmoni bo‘lib, 3:0 hisobida ishonchli g‘alabaga erishdi.

"Qirollik klubi" o‘yin taqdirini birinchi bo‘limdayoq hal qildi. 11-daqiqada Kilian Mbappe penaltidan hisobni ochdi. Oradan o‘n daqiqa o‘tib, Jud Bellingem madridliklarning ustunligini oshirdi.

36-daqiqada esa Yan Diomande uchinchi golni kiritib, uchrashuvning yakuniy hisobini o‘rnatdi.

Shu tariqa, "Real" barcha musobaqalarda ketma-ket oltinchi g‘alabasini qo‘lga kiritdi.

Madridliklar La Liga turnir jadvalida 3-o‘rinni egallab turibdi va peshqadam "Barselona"dan uch ochko ortda qolmoqda.

"Rasing" esa 11 ochko bilan 16-pog‘onadan joy olgan.