Karim Benzema Saudiya Arabistonining boshqa klubiga ko‘chib o‘tdi

Fransiya terma jamoasining sobiq hujumchisi Karim Benzema «Al-Ittihod»dan «Al-Hilol»ga o‘tdi. Madridning «Real» klubi sobiq forvardi bilan shartnoma imzolangani haqida «Al-Hilol» matbuot xizmati X ijtimoiy tarmog‘ida xabar qildi.

Avvalroq OAV fransuz futbolchisi «Al-Ittihod» taklif qilgan yangi shartnomani rad etganini yozgan edi. Benzema Saudiya Arabistoni chempionatida 2023 yil yozidan buyon to‘p surib kelmoqda. Joriy mavsumda u barcha musobaqalarda klub safida 21 ta o‘yin o‘tkazib, 16 ta gol muallifi bo‘lgan.

Mish-mishlarga ko‘ra, Benzemaning «Al-Ittihod»dan «Al-Hilol»ga o‘tishiga «Al-Nasr» hujumchisi Krishtianu Ronaldu qarshi chiqqan. Eslatib o‘tamiz, Saudiya Arabistoni Davlat investisiya jamg‘armasi «Al-Nasr», «Al-Ittihod», «Al-Hilol» va «Al-Ahli» klublariga egalik qiladi.