Франция терма жамоасининг собиқ ҳужумчиси Карим Бензема «Ал-Иттиҳод»дан «Ал-Ҳилол»га ўтди. Мадриднинг «Реал» клуби собиқ форварди билан шартнома имзолангани ҳақида «Ал-Ҳилол» матбуот хизмати X ижтимоий тармоғида хабар қилди.
Аввалроқ ОАВ француз футболчиси «Ал-Иттиҳод» таклиф қилган янги шартномани рад этганини ёзган эди. Бензема Саудия Арабистони чемпионатида 2023 йил ёзидан буён тўп суриб келмоқда. Жорий мавсумда у барча мусобақаларда клуб сафида 21 та ўйин ўтказиб, 16 та гол муаллифи бўлган.
Миш-мишларга кўра, Бенземанинг «Ал-Иттиҳод»дан «Ал-Ҳилол»га ўтишига «Ал-Наср» ҳужумчиси Криштиану Роналду қарши чиққан. Эслатиб ўтамиз, Саудия Арабистони Давлат инвестиция жамғармаси «Ал-Наср», «Ал-Иттиҳод», «Ал-Ҳилол» ва «Ал-Аҳли» клубларига эгалик қилади.
Уганда президентининг ўғли Туркиядан 1 млрд доллар ва энг гўзал қизни талаб қилмоқда
Абдуқодир Ҳусановнинг муваффақиятлари ортидан Қозоғистон футболи танқид қилинди
АҚШ Ҳусановдан ҳайратда!
