Ispaniya futbolida yuz bergan fojiali voqea Krishtianu Ronalduni ham befarq qoldirmadi. Portugaliyalik yulduz 30 yoshida hayotdan ko‘z yumgan "Tenerife" hujumchisi Xesus de Migelning yaqinlariga hamdardlik bildirdi.
"Bu fojia. So‘z topolmayapman. Oilasiga kuch-quvvat tilayman. Joyi jannatda bo‘lsin", — deb yozdi Ronaldu ijtimoiy tarmoqda.
Fojia 2 noyabr kuni Ispaniya ikkinchi divizionidagi "Tenerife" va "Andorra" o‘rtasidagi bahsda sodir bo‘lgan.
Uchrashuv yakuniga yaqin de Migel raqib darvozaboni Xesus Ovono bilan qattiq to‘qnashgan. Shundan so‘ng futbolchining yuragi to‘xtab, u maydonda hushini yo‘qotgan.
Tibbiyot xodimlari unga shoshilinch yordam ko‘rsatib, shifoxonaga yetkazgan. Biroq shifokorlarning sa’y-harakatlariga qaramay, futbolchi 3 noyabr kuni vafot etgan.
Xesus de Migel 2025 yil yozidan buyon "Tenerife" sharafini himoya qilib kelayotgan edi.
«An-Nasr» uch nafar yulduzisiz O‘zbekistonga tashrif buyurdi
Turkiyada o‘zbek futbolchilari shou ko‘rsatdi: Shomurodov va Fayzullayevdan gollar
«2010 yilda mendan «Oltin to‘p»ni o‘g‘irlashgan»
