Husanov to‘liq o‘ynagan bahsda "Manchester Siti" navbatdagi g‘alabasini qo‘lga kiritdi

Angliya Premyer-ligasining 3-turida "Manchester Siti" o‘z maydonida "Koventri"ni qabul qilib, 1:0 hisobida g‘alaba qozondi.

Uchrashuv taqdirini bitta gol hal qildi. 26-daqiqada Erling Holand raqib darvozasini ishg‘ol qilib, "shaharliklar"ni oldinga olib chiqdi. Qolgan vaqt davomida hisob o‘zgarmadi va mezbonlar minimal ustunlikni yakuniga qadar saqlab qolishdi.

O‘zbekiston milliy jamoasi himoyachisi Abduqodir Husanov "Manchester Siti"ning asosiy tarkibida maydonga tushib, uchrashuvni to‘liq o‘tkazdi. Hamyurtimiz 90+5-daqiqada sariq kartochka bilan jazolandi.

Shu tariqa, "Manchester Siti" yangi mavsumdagi muvaffaqiyatli seriyasini davom ettirib, uchta o‘yindan uchtasida g‘alaba qozondi. "Shaharliklar" 9 ochko bilan turnir jadvalida birinchi o‘rinda bormoqda. Hali ochko jamg‘ara olmagan "Koventri" esa 20-pog‘onani egallab turibdi.