Hasanboy Do‘smatov JChning eng yaxshi bokschisi deb topildi

Birlashgan Arab Amirliklarining Dubay shahrida boks bo‘yicha jahon chempionati yakuniga yetdi.

O‘zbekistonlik 51 kg vazndagi sportchi Hasanboy Do‘smatov musobaqaning eng yaxshi bokschisi deb topildi va unga tegishli Kubok topshirildi.

Ma’lumot o‘rnida. Hasanboy Do‘smatov faoliyati davomida ikkinchi marta jahon chempionligini qo‘lga kiritdi. U 2023 yili Toshkentda o‘tkazilgan JChda ham chempionlik bilan birga “Eng yaxshi bokschi” nominasiyasida g‘olib chiqqandi.