Germaniya prezidenti Frank-Valter Shtaynmayer Osiyo bo‘ylab safari doirasida O‘zbekistonga tashrif buyuradi.
Xabar qilinishicha, u 5 kunlik safari davomida Indoneziya, Filippin va O‘zbekistonda bo‘lishi rejalashtirilgan. Shtaynmayerga turmush o‘rtog‘i hamda biznes delegasiyasi hamrohlik qiladi.
Frank-Valter Shtaynmayer Toshkentda Germaniyaning GP Günter Papenburg qurilish kompaniyasi filialini ko‘zdan kechiradi.
Tashrif doirasida Shtaynmayer Islom sivilizasiyasi markazini ko‘zdan kechiradi, mehnat migrasiyasi va mutaxassislar tayyorlashga bag‘ishlangan tadbirda ham ishtirok etadi.
Germaniya prezidenti ma’muriyati ma’lumotiga ko‘ra, O‘zbekistonda Osiyodagi boshqa har qanday mamlakatga qaraganda ko‘proq odam nemis tilini o‘rganmoqda.
O‘zbekiston — Kolumbiya o‘yini uchun chiptalar sotuvi rekord darajaga chiqdi
AQShda ham to‘y qilayotganlar aqldan ozmoqda
So‘nggi 140 yildagi eng kuchli El-Nino hodisasi yaqinlashmoqda. Bu butun dunyodagi ob-havoga ta’sir qilishi mumkin
