G7 davlatlari 2026 yil boshidan beri muzlatilgan Rossiya aktivlaridan olingan daromadlar hisobidan Ukrainaga 10,5 milliard dollar miqdorida kredit ajratdi. Shu bilan mazkur mexanizm doirasida Kiyevga yo‘naltirilgan mablag‘larning umumiy hajmi 49,4 milliard dollarga yetdi.
Mazkur moliyalashtirish mexanizmi 2024 yilda G7 tomonidan Ukraina uchun qariyb 50 milliard dollarlik kredit liniyasi tasdiqlanganidan so‘ng ishga tushirilgan. Birinchi to‘lovni 2024 yil oxirida AQSh 1 milliard dollar miqdorida amalga oshirgan.
2025 yilda G7ning boshqa davlatlari Ukrainaga 37,9 milliard dollar, 2026 yilda esa yana 10,5 milliard dollar ajratgan. Shu tariqa dastur doirasida ko‘zda tutilgan mablag‘ limiti deyarli to‘liq o‘zlashtirilgan.
Ayni paytda Yevropa Ittifoqi muzlatilgan Rossiya aktivlaridan Ukraina manfaatlari yo‘lida yanada kengroq foydalanish masalasini muhokama qilmoqda. Bu masala 12 oktyabr kuni Yevropa Ittifoqi Tashqi ishlar kengashi yig‘ilishida va 15–16 oktyabr kunlari bo‘lib o‘tadigan sammitda ko‘rib chiqilishi mumkin.
Avvalroq Yevropa parlamentidagi 122 nafar deputat Belgiyada muzlatilgan qariyb 200 milliard yevrolik Rossiya aktivlaridan Ukrainaga yordam berish uchun foydalanish tashabbusini qo‘llab-quvvatlagan.
Rossiya tomoni esa bunday choralarga qarshi chiqmoqda. Kreml matbuot kotibi Dmitriy Peskov Rossiyaning muzlatilgan aktivlaridan foydalanishda ishtirok etgan shaxslar va tashkilotlardan huquqiy javobgarlik talab qilinishi mumkinligini bildirgan.
Aeroportda yangi tug‘ilgan chaqaloq va uning onasi vafot etdi
13 yoshli qiz egizak farzandli bo‘ldi
«Biz tayyormiz»: Mers Kiyevdan Putinga murojaat qildi
