Fransiya Rossiya bilan urushga tayyorgarlik ko‘rmoqda(mi)?

Fransiya Qurolli kuchlari Bosh shtabi boshlig‘i general Fabyen Mandon Fransiya armiyasi Rossiya bilan urushga tayyor bo‘lishi kerakligini aytdi.

Bu haqda Le Figaro nashri xabar tarqatdi.

1 sentyabr kuni Fransiya qurolli kuchlariga rahbarlik qilgan Mandonning so‘zlariga ko‘ra, u armiyaga "uch-to‘rt yil ichida urushga tayyor bo‘lish" vazifasini qo‘ygan.

"Bu o‘ziga xos sinov bo‘ladi: ehtimol, biz allaqachon boshdan kechirayotgan gibrid urush shaklida yoki ehtimol, yanada qattiqroq to‘qnashuvdadir. Rossiya bizning qit’amizda urushni davom ettirishga urinib ko‘rishi mumkin bo‘lgan davlat va bu mening tayyorgarlik rejamdagi hal qiluvchi omil", — deya qo‘shimcha qildi general.

Uning qo‘shimcha qilishicha, bunday sharoitda Fransiya birinchi navbatda harbiy byudjetini oshirishi kerak. Mudofaa byudjeti loyihasida 2026 yilda 57,1 milliard yevrogacha, bu yilga nisbatan 13 foizga o‘sish ko‘zda tutilgan. Mamlakatning harbiy xarajatlari yalpi ichki mahsulotning 2,2 foizini tashkil qiladi.