Yevroparlament vise-prezidenti Xersonning Rossiya nazoratidagi Oleshki shahridagi gumanitar inqirozga xalqaro hamjamiyat e’tiborini qaratish maqsadida ochlik e’lon qildi.
Pina Picherno gumanitar tashkilotlar va hukumatlarni uning aksiyasiga e’tibor qaratishga hamda tegishli choralar ko‘rishga chaqirdi.
"Biz zudlik bilan gumanitar sulh e’lon qilinishini, shaharga oziq-ovqat va dori-darmon yetkazilishini, shuningdek, shaharni tark etmoqchi bo‘lgan tinch aholining xavfsiz evakuasiya qilinishini talab qilishimiz kerak", — dedi u.
Oleshki Ukrainaning Xerson viloyatida joylashgan shahar bo‘lib, u hozirda Rossiya harbiylari nazoratidagi. Oleshki aholisi bir necha oydan beri elektr energiyasi, oziq-ovqat va yetarli tibbiy yordamsiz qolmoqda. Shahar tinimsiz ikki tomonlama o‘qqa tutilmoqda. Uni tark etish deyarli imkonsiz, chunki shahardan chiqish yo‘llarining aksariyati minalashtirilgan.
Bir necha kun avval Rim papasi Lev XIV Vladimir Putinga qo‘ng‘iroq qilib, shaharga gumanitar yordam yetkazish va aholini evakuasiya qilishni ta’minlashni so‘ragandi.
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
Shohjahon Ergashevning Toshkentdagi jangi janjal bilan nihoyasiga yetdi
40 mln odam Janubiy Osiyodan ko‘chishga majbur bo‘lishi mumkin
