Nashrga ko‘ra, Ukrainada davlat institutlari va iqtisodiyotning normal faoliyat yuritish imkoniyatlari zaiflashib borishi natijasida mamlakat aholisining yana katta qismi Yevropaga chiqib ketishi ehtimoli mavjud.
Foreign Policy ta’kidlashicha, Yevropa Ittifoqi Ukrainaga moliyaviy yordam ko‘rsatib, mamlakat byudjeti taqchilligini qoplashga ko‘maklashayotgan bo‘lsa-da, ayrim qarorlar Ukraina iqtisodiyotiga qo‘shimcha bosim ham o‘tkazmoqda.
Jurnal bunga misol sifatida Yevropa Ittifoqi tomonidan yanvar oyida joriy etilgan uglerod chiqindilari uchun bojlarni keltirgan. Ushbu choralar Ukraina importiga ham ta’sir ko‘rsatgan.
Nashr fikricha, Ukrainada iqtisodiy va ijtimoiy vaziyatning yanada og‘irlashishi aholining Yevropa mamlakatlariga yangi oqimiga olib kelishi mumkin.
Shu bilan birga, Yevropa davlatlarida Ukrainadan kelgan qochqinlarni qabul qilish va ularning maqomi masalasi bo‘yicha bahslar davom etmoqda.
Rossiya Tashqi ishlar vazirligi rasmiy vakili Mariya Zaxarova avvalroq Yevropa davlatlari ukrainalik qochqinlardan charchaganini bildirgan edi. Rossiya Tashqi razvedka xizmati matbuot byurosi esa sentyabr oyida Yevropa Komissiyasi Yevropa Ittifoqi davlatlarini ukrainalik qochqinlarni qaytarish bo‘yicha huquqiy mexanizmlarni ishlab chiqishga undayotganini ma’lum qilgan.
Ayni paytda, mazkur bayonotlar Rossiya tomonining pozisiyasi sifatida keltirilmoqda.
Aeroportda yangi tug‘ilgan chaqaloq va uning onasi vafot etdi
13 yoshli qiz egizak farzandli bo‘ldi
«Biz tayyormiz»: Mers Kiyevdan Putinga murojaat qildi
