Evropa suriyaliklar uchun eshiklarni yopadi

Beshta Yevropa davlati – Britaniya, Germaniya, Avstriya, Gresiya va Fransiya Bashar al-Assad rejimi ag‘darilganidan so‘ng suriyaliklarning boshpana so‘rashini to‘xtatdi.

Avstriyaning muvaqqat hukumati nafaqat arizalarni ko‘rib chiqishni to‘xtatdi, balki boshpana olgan suriyaliklarni deportasiya qilish yoki vataniga qaytarishga ham hozirlik ko‘rmoqda. Kansler Karl Nexammerning idorasi Suriyadagi siyosiy vaziyatda sezilarli o‘zgarishlarga ishora qilmoqda.

Migrasiyaga qarshi chiqishlari bilan tanilgan kansler o‘z ixtiyori bilan vataniga qaytishni istagan suriyaliklarga yordam berish rejasini ma’lum qildi. U deportasiyalarni qayta boshlash uchun Suriyadagi xavfsizlik holatini qayta ko‘rib chiqish kerakligini ta’kidladi. Avstriyada 95 mingga yaqin suriyalik istiqomat qiladi, ularning aksariyati 2015-2016 yillardagi migrasiya inqirozi davrida kelgan. Avstriyada migrasiyaga qarshi kayfiyat 1945 yildan beri birinchi marta mamlakatda o‘ng qanot partiyalarni qo‘llab-quvvatlashni oshirdi.

Yaqin Sharqdan tashqaridagi eng yirik suriyalik diaspora bo‘lgan 1 milliondan ortiq suriyalik istiqomat qiluvchi Germaniya ham boshpana so‘rovlarini to‘xtatdi. 47 270 ta ariza noaniq edi. Germaniya rasmiylariga ko‘ra, hozirgi beqarorlik Suriya qaytish uchun xavfsizmi yoki yo‘qligini baholashni qiyinlashtiradi. Shu bilan birga, qochqin maqomini olganlar ham himoyalangan.

Buyuk Britaniya ichki ishlar vaziri Ivette Kuper Suriyadagi vaziyat ko‘rib chiqilayotgan paytda London suriyaliklarga «boshpana berish qarorlarini to‘xtatib qo‘yganini» tasdiqladi. Britaniya 30 000 dan ortiq suriyaliklarga boshpana bergan, ularning aksariyati insonparvarlik yordami bilan qayta joylashtirish dasturlari doirasida kelgan. 2019 yilda Britaniyadagi suriyaliklar jamoasi 47 ming kishini tashkil etdi.

Tez orada Fransiya ham shunday choralar ko‘rishi kutilmoqda, deb xabar bermoqda Reuters.

Ayni paytda Livan va Iordaniyadagi minglab suriyalik qochqinlar vatanlariga qaytishni boshladi. Biroq Livan bilan chegarada oqim o‘z yo‘nalishini o‘zgartirdi – beqarorlikdan qo‘rqib, ko‘plab suriyaliklar yana boshpana izlamoqda.

BMT ma’lumotlariga ko‘ra, 2011 yildan beri 14 milliondan ortiq suriyalik o‘z uylarini tark etishga majbur bo‘lgan.