Eron Tashqi ishlar vazirligi mamlakatning yadroviy dasturi haqida ma’lumot bergan shaxslarga 20 million dollargacha mukofot puli to‘lash taklifi bilan bog‘liq holda AQShga norozilik bildirdi. Shuningdek, BMT va Xalqaro atom energiyasi agentligiga (MAGATE) tegishli maktublar yuborildi.
IRIB agentligi xabar berishicha, maktublarni Eron tashqi ishlar vaziri Abbos Aroqchi yo‘llagan.
«Tashqi ishlar vaziri Abbos Aroqchi AQSh Davlat departamentining Eron yadroviy dasturi haqida ma’lumot taqdim etganlik uchun 20 million dollargacha mukofot puli taklif qilish to‘g‘risidagi bayonotiga keskin munosabat bildirdi», — deyiladi xabarda.
Eron TIV rahbari o‘z murojaatida Vashingtonning ushbu bayonotini «nafratlanarli va afsuslanarli» deb atagan.
Eslatib o‘tamiz, AQSh Davlat departamenti Eronning yadroviy dasturi haqida ma’lumot taqdim etgan shaxslarga 20 million dollargacha mukofot puli berishini e’lon qilgan edi. Taklifda ma’lumot beruvchilar va ularning oila a’zolarini boshqa joyga ko‘chirish imkoniyati ham nazarda tutilgan.
Mukofot «Adolat uchun mukofot» (Rewards for Justice — RFJ) dasturi doirasida taklif etilmoqda.
Chaqalog‘ini hojatxonaga tashlagan ayolga 3 yillik jazo tayinlandi
AQSh va Eron dastlabki kelishuvga erishish sari ilgarilamoqda
Evropa Ukraina mojarosida Rossiya g‘alabasini anglamoqda
