AQSh va Eron 6 milliarddan 9 milliard dollargacha bo‘lgan Eron aktivlarini muzdan tushirish, uranni boyitish darajasini cheklash hamda Xalqaro atom energiyasi agentligi (MAGATE) inspektorlarining mamlakatga qaytishini nazarda tutuvchi dastlabki kelishuvga erishish sari ilgarilamoqda.
Bu haqda Al Arabiya telekanali manbalarga tayanib xabar bermoqda.
Telekanal saytidagi materialda ta’kidlanishicha, Vashington va Tehron o‘rtasida jiddiy muzokaralar jarayonini qayta tiklashga Qatar va Pokistonning qo‘shma tashabbusi orqali erishilgan.
Manbalarning ma’lum qilishicha, ehtimoliy kelishuv doirasida AQSh Eronga uranni 3,67 foizgacha boyitishga ruxsat berishga rozi bo‘lgan, Tehron esa bunga rozilik bildirgan. Shu bilan birga, Vashington uranni boyitish darajasini 60 foizga yetkazgan Erondan uni pasaytirishni talab qilmoqda. Bu masalani hal etish uchun tomonlar uchinchi davlatni jalb qilish imkoniyatini muhokama qilmoqda.
Bundan tashqari, muzokaralarda Xalqaro atom energiyasi agentligi (MAGATE) inspektorlarining Eronga qaytishini tayyorlash masalasi ham ko‘rib chiqilmoqda. Biroq ularning kelgusidagi vakolatlari ko‘lami hozircha aniqlanmagan.
Taklif etilayotgan kelishuv shartlariga ko‘ra, Hurmuz bo‘g‘ozi ochilishi, Eronga nisbatan dengiz blokadasi esa zudlik bilan bekor qilinishi kerak.
O‘zbekistonda keskin sovuq va kuchli yog‘ingarchilik kutilmoqda
Erkinjon Turdimov beshta rektorni ishdan bo‘shatdi
Aktrisa Nilufar Hamidova 7 sutkaga qamaldi
