Eron Qurolli kuchlari mintaqada vaziyat yana keskinlashgan taqdirda AQSh va Isroilga qarshi qo‘llash uchun mutlaqo yangi tezkor harbiy reja ishlab chiqdi. Bu haqda Eron Islom Respublikasi Oliy milliy xavfsizlik kengashi kotibi Muhsin Rizoiy ma’lum qildi.
Uning ta’kidlashicha, qarshi tomonlarning harbiy tahdidlari mintaqadagi strategik kuchlar muvozanatiga ta’sir ko‘rsata olmaydi.
«So‘nggi kunlarda Amerika va sionist amaldorlari tomonidan yangrayotgan bema’ni bayonotlar va takroriy tahdidlar mavjud voqelikni o‘zgartira olmaydi», — dedi Eron rasmiysi.
Rizoiyning so‘zlariga ko‘ra, Eron Islom Respublikasiga qarshi «yangi harbiy avantyura» boshlangan taqdirda, mamlakat Qurolli kuchlari tayyorlagan javob choralari «12 kunlik va 40 kunlik urushlardagidan ancha vayronkor» bo‘ladi.
Shuningdek, Oliy milliy xavfsizlik kengashi kotibi bu safar Tehron odatdagi harbiy harakatlar doirasi bilan cheklanib qolmasligini alohida ta’kidladi.
Uning bildirishicha, yangi harbiy reja AQSh va Isroil o‘rganib qolgan hamda kutayotgan qoidalardan tashqarida amalga oshiriladi.
Rus qo‘shinlari Kiyevga olib boradigan yaxshi asfalt yo‘ldan yurganida...
Rashid Malikovning filmi Moskvada bosh sovrinni qo‘lga kiritdi
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
