Bugun 17 noyabr, 2026 yil, seshanba

КИР

«Barselona» yirik g‘alabaga qaramay, Ispaniya Kubogidan chiqib ketdi

«Barselona» yirik g‘alabaga qaramay, Ispaniya Kubogidan chiqib ketdi

Ispaniya Kubogi yarim finalining javob uchrashuvida «Barselona» «Atletiko»ni 3:0 hisobida mag‘lub etdi. O‘yin Barselonadagi «Kamp Nou» stadionida bo‘lib o‘tdi.

Kataloniyaliklar yarim himoyachisi Mark Bernal 29-daqiqada hisobni ochdi. Birinchi bo‘lim yakunida vinger Rafinya penaltini aniq amalga oshirib, mezbonlar ustunligini ikki barobarga oshirdi. 72-daqiqada esa Bernal dublni rasmiylashtirib, hisobni yirik ko‘rinishga keltirdi.

Birinchi o‘yinda «Atletiko» 4:0 hisobida g‘alaba qozongani sababli, Madrid jamoasi ikki o‘yin natijasiga ko‘ra finalga yo‘l oldi. U yerda madridliklar «Atletik» — «Real Sosyedad» juftligi (birinchi o‘yin — 0:1) g‘olibi bilan to‘qnash kelishadi.

Ispaniya Kubogi. 1/2 final. Javob o‘yini
04.03.2026 | 01:00
«Kamp Nou», Barselona
(Birinchi o‘yin — 0:4)

«BARSELONA» — «ATLETIKO» — 3:0
Gollar:
Bernal 29 (1:0), Rafinya 45+5 — penaltidan (2:0), Bernal 72 (3:0).

«Barselona»: Garsiya, Kubarsi, Martin, Joau Kanselu, Kunde (Balde, 13, Arauxo, 71), Pedri, Bernal, Fermin Lopes (Olmo, 64), Rafinya, Yamal, Torres (Reshford, 64).

«Atletiko»: Musso, Gansko, Pubil, Rudjeri, Lyorente, Kardozo, Koke (Molina, 58), Lukman (Serlot, 58), Simeone (Ximenes, 76), Grizmann, Alvares (Baena, 69).

Ogohlantirishlar: Olmo (66), Joau Kanselu (67), Yamal (90) — Baena (90).

Kiritildi: 08:35 04.03.2026. O'qildi: 2104 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik