«Barselona» Anchelottining Rafinya bo‘yicha qaroridan shokda

«Barselona» rahbariyati Karlo Anchelottining Rafinyani Braziliya terma jamoasiga chaqirish qaroridan hayratda qoldi.

The Touchline nashrining xabar berishicha, kataloniyaliklar futbolchining sog‘lig‘idan xavotirda. Chunki Rafinya avvalgi xalqaro tanaffusda olgan jarohatidan so‘ng endigina o‘z formasini tiklamoqda.

«Barselona» rahbariyati vingerning yana milliy jamoa ixtiyoriga borishi uning jismoniy holatiga salbiy ta’sir ko‘rsatishidan qo‘rqmoqda.

Braziliya terma jamoasi noyabr oyida ikkita o‘rtoqlik uchrashuvi o‘tkazadi. Anchelotti shogirdlari 14 noyabrda Yaponiya, 17 noyabrda esa Singapurga qarshi maydonga tushadi.