AQSh Davlat departamenti Yamanning «Ansor Alloh» (xusiylar) harakatiga qarshi ehtimoliy harbiy operasiya fonida Yaqin Sharqdagi Amerika elchixonalari xodimlarining bir qismini evakuasiya qilishga tayyorgarlik ko‘rmoqda.
Bu haqda Amerika ma’muriyati vakillari ma’lum qildi.
Agentlik ma’lumotlariga ko‘ra, Davlat departamenti AQShning Fors ko‘rfazi mamlakatlaridagi elchixonalari ayrim xodimlari va ularning oila a’zolariga mamlakatni tark etish bo‘yicha ko‘rsatma berishga (buyruq chiqarishga) tayyorlanmoqda.
«Ushbu qadam harbiy harakatlarning, xususan, Yamandagi Eron tomonidan qo‘llab-quvvatlanadigan xusiylarga qarshi amaliyotlarning ehtimoliy qayta boshlanishi bilan bog‘liq», — deb qayd etadi Reuters.
Eslatib o‘tamiz, 10 oktyabr kuni AQSh prezidenti Donald Tramp yaqin vaqt ichida Qo‘shma Shtatlarning Saudiya Arabistoni tomonidan «Ansor Alloh» harakati pozisiyalariga beriladigan zarbalarga qo‘shilishi ehtimoli bo‘yicha qaror qabul qilishini ma’lum qilgan edi.
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
Shohjahon Ergashevning Toshkentdagi jangi janjal bilan nihoyasiga yetdi
40 mln odam Janubiy Osiyodan ko‘chishga majbur bo‘lishi mumkin
