AQSh Eronga yangi hujumlar haqida Isroilni oldindan xabardor qilgani ma’lum bo‘ldi

Qo‘shma Shtatlar Isroilni 8 iyul kuni kechqurun boshlangan Eronga qarshi yangi zarbalar berish niyatidan oldindan xabardor qilgan.

Bu haqda Kan davlat telekanali xabar berdi.

"Qo‘shma Shtatlar bugun kechqurun Eronga hujum qilish niyatida ekanligini ma’lum qildi", - deya Kan Isroil manbasiga tayanib iqtibos keltirgan.

Avvalroq AQSh prezidenti Donald Tramp Amerika harbiylari 8 iyul kuni kechqurun Eronga qarshi yangi zarbalar berish niyatida ekanligini e’lon qilgan edi. Anqara sammiti doirasida NATO bosh kotibi Mark Ryutte bilan uchrashuvda u Eron bilan sulh bitimi endi amal qilmasligini ham ma’lum qilgan edi.

Bundan tashqari, Tramp Tehron bilan muzokara olib borish niyatida emasligini va Islom Respublikasi rahbariyatiga qarshi keskin bayonotlar berganini aytdi.