Polsha kelgusi besh yil davomida aholini himoya qilish va fuqarolik mudofaasi dasturi uchun 102,4 milliard zlotiy, ya’ni taxminan 26 milliard dollar yo‘naltirishni rejalashtirmoqda. Bu haqda mamlakat bosh vaziri Donald Tusk ma’lum qildi, deya xabar beradi Reuters.
Uning so‘zlariga ko‘ra, dasturning ustuvor yo‘nalishlari qatoriga himoya inshootlari va boshpanalar qurish, qutqaruv uskunalari hamda tegishli infratuzilmani rivojlantirish, shuningdek, inqirozli vaziyatlar va tabiiy ofatlar uchun zarur zaxiralarni shakllantirish kiradi.
Bundan tashqari, ogohlantirish tizimlari, axborot texnologiyalari infratuzilmasi hamda muassasalar va xizmatlar o‘rtasidagi himoyalangan aloqa tizimlarini rivojlantirish uchun ham mablag‘ ajratilishi ko‘zda tutilgan.
Reuters ta’kidlashicha, dastur mamlakat va aholini tabiiy ofatlarga, jumladan, suv toshqinlariga tayyorlashni ham nazarda tutadi.
Aeroportda yangi tug‘ilgan chaqaloq va uning onasi vafot etdi
13 yoshli qiz egizak farzandli bo‘ldi
«Biz tayyormiz»: Mers Kiyevdan Putinga murojaat qildi
