BBC: Tramp butun dunyo bilan yangi savdo urushini tayyorlamoqda

BBC: Tramp butun dunyo bilan yangi savdo urushini tayyorlamoqda. Bu galgi bahona amerikalik mehnatkashlarni himoya qilish.

​AQSh prezidenti yangi urushga — butun dunyo bilan ikkinchi savdo urushiga tayyorgarlik ko‘rmoqda. ​U birinchi savdo urushida mag‘lub bo‘ldi, biroq ittifoqchilar va raqiblarga qilingan hujumlardan ko‘zlangan maqsadlarga erishilmagani hamda xarajatlar yuki to‘liq amerikaliklarning yelkasiga tushganiga qaramay, to‘xtamoqchi emas, deb yozadi nashr.

​AQSh Oliy sudi uning "favqulodda holat" bahonasida joriy etgan tariflarining katta qismini hokimiyatni noqonuniy ravishda egallab olishga urinish deb topdi, ammo bu Trampni to‘xtata olmadi.

​Tramp o‘z vazirlariga iyul oyi oxirigacha import tovarlar va butlovchi qismlarni sotib oluvchi amerikalik iste’molchilar hamda biznesga soliq solish uchun yangi bahona topishni topshirdi.